اسلام آباد: شاہ زین بگٹی نے حکومت سے علیحدگی اختیار کرتے ہوئے تحریک انصاف کو بڑا جھٹکا دیدیا، حکومتی اتحادی نے اپوزیشن کا ساتھ دینے کا اعلان کر دیا۔
ذرائع حالیہ ملاقات کے حوالے سے دعوی کر رہے ہیں کہ تحریک عدم اعتماد کے معاملے پر شاہ زین بگٹی کی جانب سے اپوزیشن کا ساتھ دینے کا امکان ہے۔ اگر ایسا ہوا تو یہ حکومت کیلئے بڑا جھٹکا ثابت ہو گا، جمہوری وطن پارٹی کے صدر شاہ زین بگٹی حکومت کے اتحادیوں میں شمار ہوتے ہیں۔
وزیراعظم عمران خان کے خلاف تحریک عدم اعتماد کل 28 مارچ کو ہونے والے قومی اسمبلی اجلاس میں پیش کئے جانے کا امکان ہے، دوسری جانب حکومت اور اپوزیشن کی جانب سے ایک دوسرے کی وکٹیں گرانے کے دعوے بھی جاری ہیں۔ پاکستان پیپلز پارٹی کے سینئر رہنما، سابق سینئر مشیر، سینیٹر اور قانون دان افتخار احمد نے وزیراعظم عمران خان کے ایک ادنی سپاہی کی حیثیت سے پاکستان تحریک انصاف میں شمولیت کا اعلان کر دیا، انہوں نے یہ اعلان دو روز قبل کیا۔
